यत्र-तत्र लेखमालाः
Index
यत्र-तत्र लेखमाला - येईन अस म्हटल होतस का तू ?
लेखक:
बिपीनचंद्र नेवे, जळगाव
येईन अस म्हटल होतस का तू ?
कारण अनासक्त वाटेन
आज पहिल्यांदाच मोडली अपुनर्लम्य शपथ
सोनजर्द पिवळेधम्म फुलांचे झगमगणारे ऋतु अत्तरले
रानभुल व्हायच हे दुसर कारण-
पहिल तू:
कि तू काही म्हटलच नव्हतस?
मग
आस्तेकदम अनाग्रही तलावाला डोंगरभरती का आली?
अन अंतिम काठाने
चुकार बेलगाम वादळांना थोपवल का?
इतस्तत: ?
बरेचदा-
कितीदा?
आता ही खानेसुमारी कोणी करायची?
अलवार पापण्यांचा जांभुळगच्च अदमास घेतांना
चुरगळली गेलीत कित्येक बेहोष पाने-
तुझ्या रुमझुम पावलांच सप्तक अलगुजणाऱ्या वाटेवर-
तांबडफुटी ढगांचा सोनसळ ओरखडा व्रतस्थ नभावर-
-त्या बेदम पानांच आता काय करायच?
मी काही म्हटलच नव्हत-
मग
अनित्य होरपळणाऱ्या असोस ओठांचा वासंतिक सल
कोणी बाळगायचा?
अपरंपार?
मी?
कि तू?
-बिपीनचंद्र
About Us | Disclaimer | Privacy Policy | Contact us